АҚШ-тағы ұшақ апаты: Әскери тікұшақпен соқтығысқан American Airlines ұшағы өзенге құлады,деп хабарлайды Qazyr.kz.
Вашингтон қаласында орын алған қайғылы оқиға әуе қауіпсіздігіне қатысты маңызды сұрақтарды көтерді. American Airlines компаниясының ұшағы әскери тікұшақпен соқтығысып, Potomac өзеніне құлады. Ұшақтың бортында 64 адам болған және барлығы қаза тапқан. Бұл оқиға АҚШ авиациясындағы қауіпсіздік мәселелерін қайтадан алға тартып отыр.
Қазіргі уақытта ұшақтың қара жәшіктері табылып, сараптама үшін зертханаға жеткізілді. АҚШ Ұлттық көлік қауіпсіздігі кеңесі бұл құрылғыларды зерттеу барысында, оқиғаның себептері мен оның қалай орын алғанын анықтауға тырысуда. Алдын ала мәліметтерге сәйкес, ұшақтың диспетчерлік басқаруында ақаулар болуы мүмкін, себебі бұл күні әуежайда білікті мамандардың жетіспеушілігі байқалған. Әуе қозғалысының бақылауында бір ғана диспетчер жұмыс істеген, ол әдетте екі адамнан тұратын команда болуы тиіс еді.
Қайғылы оқиғаға әкелген себептердің бірі ретінде, әскери тікұшақтың қажетті биіктіктен жоғары ұшуы да айтылуда. Бұл туралы The New York Times басылымы хабарлаған. Газет АҚШ Федералды авиация басқармасының алдын ала есебіне сілтеме жасай отырып, бұл жағдайды түсіндірді.
