Намысы бар жігіттің,
Нар күшіндей күші бар.
***
Намысы жоқ жігіттің намыспен не ісі бар?
***
Намысы бар жігіттің нар күші бар,
Намысы жоқ жігіттің қай күші бар?
***
Бар малын жейді,
Ұятсыз арын жейді.
***
Жақсы аттың жалын сақтағанша,
Жақсы жігіттің арын сақта.
***
Ұйқы арсыз,
Күлкі арсыз,
Тамақ арсыз.
***
Арлы арына қараса,
Арсыз «жеңдім» дейді.
***
Атты қамшы айдайды,
Ерді намыс айдайды.
***
Шөлдің қамысы болмайды,
Жаманның намысы болмайды.
***
Жолдас күту — жарға сын,
Жалған сөздік — арға сын.
***
Ар қиналмай, жан қиналмайды.
***
Арсызға сәлем — борыға, сөз — қулық.
***
Өлімге берер жаным бар,
Пендеге берер арым жоқ.
***
Адам санасын ар түзейді.
***
Рух пен намыс — егіз.
***
Арға — мінәжат.
***
Ар сатып ырыс жинама.
***
Ар жазасы бар жазадан ауыр.
***
Қызғаншақтың іші тар,
Болмас онда ұят-ар.
***
Нәпсі арды айыртқызбайды.
***
Қанша тұлпар десе де,
Мініп болмас жалсызды.
Қанша білгіш десе де,
Халық сүймес арсызды.
***
Адам болам десең,
Арыңды ақшаға сатпа.
***
Арсыз болса, қыз жаман,
Ақылсыз болса, ұл жаман.
***
Арын сатып ер болмас,
Ажарын сатып сері оңбас.
***
Мал сақтама, ар сақта.
***
Малыңа сүйенбе, арыңа сүйен.
