«АРЫС ҚАЛАСЫНДА АУЫЛ ШАРУАШЫЛЫҒЫ ӨНІМДЕРІНІҢ ЖӘРМЕҢКЕСІ ӨТЕДІ»,-деп хабарлайды Qazyr.kz тілшісі.
Ертең, 6 шілде Астананың 25 жылдығына орай, Арыс қаласындағы Арыс-1 вокзалы алдында (шатыр астында) ауыл шаруашылығы өнімдерінің жәрмеңкесі өтеді. Басталуы 8.00.
Шараны ұйымдастыруға жауапты ауыл шаруашылығы бөлімі мамандарының айтуынша, жәрмеңкеде 50-ге жуық азық-түлік өнім түрлері ұсынылып, баға 20-30 пайызға дейін төмендетіледі.
Сауда сөресіне бау-бақша мен көкөніс, ет өнімдері (жылқы, сиыр, қой), сүт өнімдері (құрт, ірімшік, қымыран), «Ордабасы құс» ЖШС құс өнімдерінің 30-40 түрі, жалпы жиыны 40 тоннаға жуық өнімдер шығарылады.
Дереккөз: Арыс қаласы әкімінің баспасөз қызметі
