Досы көппен сыйлас,
Досы азбен сырлас.
***
Заттың жаңасы жақсы,
Достың ескісі жақсы.
***
Жақсымен жолдас болсаң – жетерсің мұратқа.
Жаманмен жолдас болсаң — қаларсың ұятқа.
***
Жаман дос — көлеңке: басыңды күн шалса — қашып құтыла алмайсың, басыңды бұлт алса — іздеп таба алмайсың.
***
Көп кісі досым жетілсе екен демейді, егерде бірі жетілсе бағанағы досына бітімі жоқ дұшпаны сол болатұғыны қалай?
***
Кей құрбы бүгін — тату, ертең — қату,
Тілеуі, жақындығы — бәрі сату.
***
Дос жылатып айтады, дұшпан күлдіртіп айтады.
***
Жаман достан мың сақтан.
***
Жаман жолдастан жақсы дұшпан артық.
***
Дос басқа, дұшпан аяққа қарайды.
***
Дос та дос, дұшпан да дос мал барында.
***
Ағаш тамырымен мықты,
Адам дос-жарымен мықты.
***
Дос — ажарың, жолдас — базарың.
***
Алыстағы досыңа ат берсең де жарасар — үйіне мініп барсын деп.
Жақындағы досыңа хат берсең де жарасар — ұмытса есіне алсын деп.
***
Жолдасың көп болса,
Жалғызбын деме
***
Дос сыртыңнан мақтар, дұшпан көзіңе мақтар
***
Жаңа досың жаныңда болса, ескі досың есіңде болсын.
