Бір даугер Қожанасырды куəлікке тартқан екен, жауапкер «Қожанасыр қажыға бармаған адам, оның куəліктен өтуіне шарты толмайды » деп қасарысып тұрып алыпты.
– Мен бала кезімде-ақ қажыға барғанмын, – депті Қожекең міз бақпастан.
– Қажыға барғаның рас болса, – депті қазы Қожанасырға, – қане айта қойшы, зəмзәм суы шығатын құдық Қағбаның қайсы жағында екен?
– Мен қажыға барған кезде бір топ адам «Зəмзəм құдығын қайсы жерден қазсақ болар екен» деп ақылдасып жатқан кезі екен, – деп жауап беріпті Қожекең.
