Отан үшін күрес — ерге тиген үлес.
***
Отан — елдің анасы, ел — ердің анасы.
***
Туған жердей жер болмас,
туған елдей ел болмас.
***
Отансыз адам — ормансыз бұлбұл.
***
Кісі елінде сұлтан болғанша,
өз еліңде ұлтан бол.
***
Орағың өткір болса, қарың талмайды,
Отаның берік болса, жауың алмайды.
***
Отанды сүю — от басынан басталады.
***
Отан оттан да ыстық.
***
Отанға опасыздық еткенің,
өз түбіңе өзің жеткенің.
***
Туған жерге туың тік.
***
Ат үйірін сағынса, артқы аяғын қағынар,
ер үйрін сағынса, айыл-тұрман тағынар.
***
Әркімнің өз жері — Мысыр шаһары.
***
Тұғырына саңғыған сұңқар оңбас,
үйірінен қаңғыған тұлпар оңбас.
***
Құлан өз қағынан өзі жерімес.
***
Бейбіт елде береке бар.
***
Туған жердің жуасы да тәтті.
