АҚШ президенті Джо Байден жақында қызметінен кетер алдында Ақ үйдегі жұмысының басты сыртқы саяси жетістіктерінің бірі ретінде Украинаның Ресей агрессиясына қарсы күресін қолдауды атады.Бұл туралы шетел БАҚ-на сілтеп Qazyr.kz хабарлайды.
«Путин Украинаға басып кіргенде, ол Киевті бірнеше күн ішінде басып аламын деп ойлады. Бірақ шын мәнінде, соғыс басталғаннан кейін Киевтің орталығында мен болдым, ал ол ешқашан болмады. Мұны ойланыңыз!» — деді Байден АҚШ Мемлекеттік департаментінде сөйлеген сөзінде.
«Мен американдық күштердің бақылауында болмаған соғыс аймағына барған жалғыз бас қолбасшымын», — деп қосты президент.
«Біз Украинаға Путинді тоқтатуға көмектестік. Қазір, үш жыл өткен соң, Путин өз стратегиялық мақсаттарының бірде-біріне жете алмады. Ол Украинаны бағындыра алмады. НАТО-ның бірлігін бұза алмады. Және үлкен аумақтық жетістіктерге қол жеткізе алмады», — деп Байден бұл жұмыстың нәтижелері туралы айтты.
«Бірақ жұмыс әлі аяқталған жоқ, біз оны тоқтата алмаймыз», — деп мәлімдеді президент.
