Сарыөзек әскери бөлімінде сарбаз көз жұмды
2025 жылдың 14 қаңтарында Жетісу облысындағы Сарыөзек әскери бөлімінде қайғылы оқиға болды. 12740 әскери бөлімінің мерзімді қызметшісі, 2006 жылы туған Құрманбек Дастан өзіне оқ атып, оқиға орнында қаза тапты.
Әскери гарнизонның мәліметі бойынша, оқиға сағат 12:30 шамасында болды. Құрманбек Дастан АК-74 автоматымен жүрегіне оқ атып, ауыр жарақаттан көз жұмды. Ол әскери-далалық оқу-жаттығу кезінде атыс қаруын қолдану ережесін бұзып, осы қайғылы жағдайға ұшырады.
Қазіргі уақытта осы іс бойынша қылмыстық іс қозғалып, тергеу шаралары басталды. Тергеушілер оқиғаның себептерін анықтау үшін барлық қажетті іс-қимылдарды жүргізіп жатыр. Әскери бөлімнің басшылығы мен құқық қорғау органдары бұл жағдайдың себептерін толық зерттейтінін мәлімдеді.
