21 жастағы Түркістан обылысының тұрғыны автокөліктерден ұрлық жасаудың төрт жайтына қатысы бар екені анықталды.Бұл туралы Qazyr.kz хабарлайды.
21 жастағы жігіт көліктердің терезесін сындырып, ондағы заттарды жымқырған.
Осылайша қаскөй көпқабатты үйлердің ауласында және қоғамдық тамақтану орнының алдында тұрған иномаркаларға ұрлыққа түскен. Оның жемтігі ішінде қолма-қол ақша бар сөмкелер мен әмияндар болған. Келтірілген жалпы шығын көлемі 300 мың теңгеге жуық.Күдіктіні ізін суытпай Әл-Фараби ауданы полиция басқармасының жедел уәкілдері бейнебақылау камераларының көмегімен ұстады.
Ол бұрын соңды ұрлық жасағаны үшін сотты болған.Қазіргі таңда тергеу әрекеттері жүргізілуде.Тәртіп сақшылары автокөлікке заңсыз кiрумен жасалған ұрлықтың алдын алу үшін қарапайым қауіпсіздік ережелерін сақтауды ұсынады. Көлік құралының салонында бағалы заттарды мейлінше қалдырмауға тырысыңыз; көлік есіктерінің жақсы жабылғанын үнемі тексеріп, сенімді дабыл жүйесін орнатыңыз.
