Майдангер жазушы, аудармашы, Қазақстанның халық жазушысы Тахауи Ахтанов 1923 жылы дүниеге келді. Әкесінің аты – Ақтан, анасы – Дәйілхан. Екеуінің Тахауи, Сапа деген екі ұлы болған.
1940 жылы Абай атындағы Қазақ мемлекеттік педагогикалық институтына оқуға түседі. Ол 1942 жылы 2 курста оқып жүргенде өзі сұранып, майданға аттанады. Алғашқы әдеби көркем шығармалары өлең, очерк түрінде майдан газеттерінің беттерінде жарияланды. Жазушы 1994 жылы қаза болды.
Тахауи Ахтановтың шығармалары соғыс жылдарындағы тақырыптармен ұштасады. Жазушының шығармалары “Қаһарлы күндер”, “Махаббат мұңы”, “Дала сыры”, Көк құтан”, “Керуен”, “Үндістан хикаясы” және т.б.
Жазушының өнімді де жемісті еңбек еткен жанры – проза мен драматургия. Баспасөз бетінде алғаш жарық көрген әңгімесі – «Күй аңызы».
«Боран» романы Тахауи Ахтановтың шығармашылығында алатын орны ерекше. Қаламгер ретінде тәжірибесі толысқан шағында жазылған бұл туындысына автор үлкен ізденіспен келген.
Дереккөз: әл-Фараби кітапханасы