Ағаштан ағаш сәнін алады,
Адамнан адам тәлім алады.
***
Бір адамға қадірің жүрмесе,
Екі адамға күлкі боласың.
***
Пышағыңды мұқалтпа,
Не кеспесті біліпсің?
Сырын білмей сыр айтпа,
Не деспесті біліпсің?
***
Тәрбиелі адам тағаланған атпен тең.
***
Бала тәрбиесі бесіктен.
***
Қар қылаумен өседі,
Бала сылаумен өседі.
***
Таяқтау оңай, тәрбиелеу қиын.
***
Тұңғышыңды дұрыс үйретсең,
Соңғылары өздері үйренеді.
***
Алдыңғы арбаның доңғалағы қайда жүрсе,
Соңғы арбаның доңғалағы сонда жүреді.
***
Ана сүтімен бітпеген қасиет
Тана сүтімен сіңбейді.
***
Қамысты бос ұстасаң қол кесер.
***
Қар қылаумен өседі,
Бала сылаумен өседі.
***
Таяқтау оңай, тәрбиелеу қиын.
***
Дұрыс қанаттанған түзу ұшар.
***
Балаға өз тіліңмен сөйлеме, өз тілімен сөйле.
***
Қызы анадан үйренбей өнеге алмас,
Ұлы атадан үйренбей сапар шекпес.
Балаға өз тіліңмен сөйлеме,
Өз тілімен сөйле.
***
Балапан ұяда не көрсе,
Ұшқанда соны іледі.
***
Тәрбиелі адам тағаланған атпен тең.
***
Балаға байқап сөйлесең, ақылыңа көнер,
Байқамай шет сөйлесең, көп ішінде өлер.
