Айтсам, тілім күйеді,
Айтпасам, ділім күйеді.
***
Сыйларға асың болмаса,
Сипарға тілің болсын.
***
Бас кеспек болса да,
Тіл кеспек жоқ.
***
Ашуың келсе, қолыңды тарт,
Айтпас жерде тіліңді тарт.
***
Тіл – бұлбұл, сөз – бұлақ.
***
Тілі екеудің ділі екеу.
***
Тіріде жанға тыным жоқ,
Қызыл тілде буын жоқ.
***
Тілге шешен, іске мешел.
***
Ашынғанның тілі ащы.
***
Ашынған тілді, ашыққан ұры болады.
***
Тіл – көңілдің кілті.
***
Тіл тәтті, бауыр қатты.
***
Тіл қылыштан өткір.
***
Тіл – тіліп түсер наркескен,
Сөз – өткір жебе тау тескен.
***
Тілде тиек жоқ, ауызда жиек жоқ.
Тілмен тікен де алады.
***
Тіл ерді қабірге салар,
Нарды қазанға салар
***
Қу тіл – қоңылтақ етік.
***
Ер қазынасы – жүрген із,
Ел қазынасы – көне көз,
Тіл қазынасы – ескі сөз.
***
Қотыр қолдан, пәле тілден жұғады.
***
Адам тілінен табады,
Сиыр мүйізінен табады.
***
Тіс – тілдің қамалы.
***
Пілден тіл күшті.
***
Піл көтермегенді тіл көтереді.
***
Адам көңілден азады,
Тілден жазады.
***
Туған жер – тұғырың,
Туған тіл – Қыдырың.
***
Тілін білмеген түбін білмейді.
***
Татуға – тіл, сұлуға – сұқ.
***
Тексіздік – тілсіздіктен.
***
Жалақ кісі тілінен жазар,
Таз кісі қолынан табар.
***
Әдеп басы – тіл.
***
Тілмен байланған қолмен шешілмейді.
***
Он пәленің тоғызы – тілден.
***
Өткір тіл – дарын,
Ұзын тіл – жауың.
***
Ең тәтті де – тіл,
Ең ащы да – тіл,
Ең жұмсақ та – тіл,
Ең қатты да – тіл.
