Qazyr.kz порталы
БілімРуханият

Төлеген Айбергенов

Бұл қазақта жігіттер бар нар қасқа,
Жарқылдаған алмас па
Дейсің-ау, дейсің сен оны,
Айырып кетсе жол басқа.
Орны тіпті толмас та.
Тулатар тек от денені.

Бұл қазақта жігіттер бар қонаққа
Маңдайындағы бір атын
Жайратып салып, жарқылдап күліп тұратын.
Көкірегінен күн сөнбей
Осы бір шақтан білсең ғой
Тұратын тауып мұратын.

Бұл қазақта жігіттер бар мәрт-батыр.
Жалаңаш батыр көбі оның.
Аударып тастар сен үшін
Алтын бар десең, астында мынау төбенің.
Солардың аппақ ниетімен.
Ақ қарға жаққан отымен
Лапылдап мен де келемін.

Бұл қазақта жігіттер бар шың тектес
Тұра да алмас шың бұлай.
Қасқайып олар тұрғанда
Биіктер сенің тұлғаң да,
Миллион мәрте, құрбым-ай.

Ұқсас жаңалықтар

Түркістан облысының мектептерінде 500-ге жуық мұғалім жалған дипломмен оқушыларға білім беріп жүрген

redaktor_qazyr

Отбасы мүшелерін күн сайын жамандықтан қорғап жүретін дұға

redaktor_qazyr

Әлия Молдағұлова жайлы

redaktor_qazyr

Пікір жазу

Qazyr.kz