Түркияның Білім министрлігі тарих пәнінің оқу бағдарламасына айтарлықтай өзгерістер енгізілетінін жариялады. Жаңа оқу жоспарларында «Орталық Азия» терминінің орнына «Түркістан» ұғымы қолданылатын болды. Бұл туралы Qazyr.kz TRT Haber -ге сілтеп хабарлады.
Сарапшылардың айтуынша, бұл қадам келешек ұрпақтың түркілік сезімін, ұлттық сана-сезімі мен патриотизмін тәрбиелеуге бағытталған.
Бағдарлама мектепке дейінгі мекемелер мен мектептерде 2024-2025 оқу жылында енгізіледі.
Елдің білім министрі «Түркістан» терминін қолдануға көшу тарихи негізделгенін атап өтті, себебі бұл атау алғаш рет түркілер қоныстанған аймақтарды сипаттайтын көне мәтіндерде кездеседі.