2024 жыл бойынша Прокуратура қылмыстық жағдай туралы мәлімдеді,деп хабарлайды Qazyr.kz.
Бас прокуратураның Құқықтық статистика және арнайы есепке алу жөніндегі комитетінің мәліметі бойынша, 2024 жылдың қорытындысы бойынша жалпы қылмыс деңгейі 5,3%-ға төмендеп, 140 272-ден 132 778-ге дейін азайған. Бұл оң динамиканың көрінісі болып табылады.
Дегенмен, кейбір облыстарда қылмыс санының өсуі байқалады:
Маңғыстау облысында 12,2% (3097-ден 3474-ке),
Атырау облысында 8,5% (4283-тен 4647-ге),
Павлодар облысында 5,6% (5039-дан 5322-ге),
Қызылорда облысында 4,6% (2871-ден 3003-ке),
Ұлытау облысында 2,8% (1278-ден 1314-ке),
Алматы облысында 1,6% (10223-тен 10385-ке),
Ақмола облысында 0,7% (5084-тен 5120-ға).
Ең көп қылмыс Алматы қаласында (24 965 немесе 18,8%) және Астана қаласында (17 339 немесе 13,1%) жасалған. Алматы облысында 10 385 (7,8%), Қарағанды облысында 7 562 (5,7%) қылмыс тіркелді.
Қылмыстардың құрылымы бойынша:
34% алаяқтық (45 156),
23% ұрлық (30 593),
6,3% есірткі қылмыстары (8 363),
1,2% тонау (1 551),
1,2% бұзақылық (1 615),
0,8% мал ұрлығы (1 051),
0,4% адам өлтіру (566),
0,3% зорлау (421),
қалған 32,7% басқа құқық бұзушылықтар (43 462).
Қылмыстың ауырлығына байланысты:
Онша ауыр емес қылмыстар 7,6%-ға азайып, 21 826-дан 20 178-ге дейін төмендеген.
Ауырлығы орташа қылмыстар 16,8%-ға (58 874-тен 48 992-ге) төмендеген.
Ауыр қылмыстар 2,2%-ға (37 548-ден 36 736-ға) азайған.
Сондай-ақ, ұрлықтың әртүрлі түрлері айтарлықтай төмендеген:
Ұрлық жалпы 28,3%-ға (42 639-дан 30 593-ке),
Ұялы телефон ұрлығы 30,9%-ға (10 530-дан 7 273-ке),
Пәтер ұрлығы 33,5%-ға (3 566-дан 2 357-ге),
Көлік ұрлығы 42,2%-ға (258-ден 149-ға) төмендеген.
Мал ұрлығы 30,9%-ға азайып, 1 520-дан 1 051-ге дейін төмендеген.
