ДҮНИЕ ЖАЛҒАН
Сұм жалған алдап кетер аяғында
Деген сөз келе жатыр баяғыдан .
О , өмір , алсаң талай сынағыңа
Бәрібір , саған көңіл баяғыдай .
Өзіңе белгілі ғой өткендерім ,
Тіршілігім үшін де төккен терім
Қанша жерден шалғанда аяғымнан
Бәрібір өзіңді еш жек көрмедім .
Кездерім көп болса да сиыспаған ,
Тәуекелді пірім деп жиі ұстанам
Қиындықпен бетпе- бет кездескенде
Қашанғы қан жолдастай қиыспағам .
Ақ , қарадан тұратын жолдарыңда,
Ой , қиялды шырмадың , торладың да .
Қиянда аяғымды шалыс бассам
Өзің болдың жанашыр , қорғаным да .
Өмір деген биігім , бәйтерегім ,
Емес қой тағдырымда жай керегім .
Қиын , қыстау болса да жолдары бар
Жарық дүние , сен болмасаң қайтер едім .
Түскесін өмір жолы сүрлеуіне ,
Кедергіден өтетін күрделі де .
Қиналғанда төтелеп кеткені бар
Жетпегесін қысқа жіп күрмеуіне.
Есіңде қалады да салған кей із,
Бәрі де бізден кеше қалған дейміз.
Кеткіміз келмесе де бұл өмірден
Бәрібір дүние осы жалған дейміз .
Шынәділ МҰҚАНҰЛЫ
16.09.2024 жыл