Еуропалық Одақтың сыртқы саясат басшысы Кайя Каллас Еуропалық барлау агенттіктерінің болжамдарына сілтеме жасап, 2028 жылы Ресейдің ЕО-ға шабуыл жасауы мүмкін екенін ескертті. Оның пікірінше, Еуропа қорғаныс шығындарын арттырып, қауіпсіздікке көбірек қаржы бөлуді қажет етеді.
Каллас Еуропа мемлекеттерінің қорғанысқа деген қаржылық қолдауын арттыру қажеттігін атап өтіп, бұл мәселе бойынша ЕО мен оның мүшелері арасындағы ынтымақтастықты күшейту қажеттігін білдірді.
Поляк премьер-министрі Дональд Туск те Трамптың қайта қарулану және қорғаныс шығындарын арттыру туралы үндеуін қолдады. Ол Еуропаның қорғанысқа қосымша қаржы бөлуі арқылы қауіпсіздігін нығайтуға тиіс деп санайды.
Сонымен қатар, соғыс басталғалы бері Еуроодақ Украинаға 134 миллиард еуро бөлген, оның ішінде 50 миллиард еуро қару-жараққа жұмсалған. Еуропалық дипломатияның басшысы Кайя Каллас сондай-ақ, қаңтар айының соңына дейін ЕО елдері дайындаған украиналық әскерилер саны 75 мыңға жететінін мәлімдеді.
