Qazyr.kz порталы
БілімРуханият

Ілияс Жансүгіров-Бөбек бөлеу

Бөл-бөл бөлек, бөл, бөбек,
Бөлейін бері кел, бөбек.
Бедерлі бесік, төрт есік,
Төгілте салдым тер төсек.
Бөпешім, бесік — отауың,
Отауыңа кір, бөбек.

Бөл-бөл бөлек, бөл, бөбек,
Бүлдіршін-шүмек, бәйтерек.
Балалы үйрек, бас бармақ,
Кішкене бөбек — бес бөлек.
Саусақайы салбырап,
Бөлене қойсын қос білек.

Бөл-бөл, бөпем, бөл, бөпем,
Бөлесем жөнге көн, көкем.
Көк ала жылқы көлде екен,
Көк ала тайың сонда екен.
Торсығыңды тосайын,
Тұмсық төсей сор, көкем.

Бөл-бөл, бөпем, бөл, бөпем,
Бөлейін бері кел, көкем.
Жұлдызыңды жұм, көкем,
Жуынып ерте тұр, бөпем.
Алшая атқа мін, бөпем,
Ақтан қара біл, көкем.

Бөл-бөл бөбек, бөл, бөбек,
Бөлекең қонған көк өзек,
Көк өзекте көбелек,
Көлге көк құс шүй, бөбек,
Көк өзекте көбелек,
Көбелектей күл, бөбек.

Бөл-бөл бөбек, бөл, бөбек,
Боларсың, бөпем, қолкөмек,
Әлпештеген ата-анаң,
Бола қалса мүгедек.
Таңайын, ұйықта, таң атсын,
Түнде оянба, түн түнек.

Бөл-бөл бөбек, бөл, бөбек,
Бөріден бөстек ки, бөбек.
Ерінбей еңбек ететін,
Еліңе бол елгезек,
Елгезек болсаң, иісін
Ендеше саған екі емшек.

Бөл-бөл бөбек, бөл, бөбек,
Бөгелмей білім біл, бөбек,
Білмесең білім бекерсің,
Бет алдыңа кетерсің,
Елге есті ер керек,
Ер жет! Есей ертерек!

Ұқсас жаңалықтар

Қазақстан тарихы тест

Redaktor Site

Қым-қуыт тіршілікте көп нәрсе бізге мәселе болып көрінері анық

redaktor_qazyr

КҮЙЕУІҢІЗДІҢ МЫНА ҚАСИЕТТЕРІН ҚҰРМЕТТЕСЕҢІЗ, ОНЫҢ АЛМАЙТЫН АСУЫ БОЛМАЙДЫ! (психологтардың кеңесі)

redaktor_qazyr

Пікір жазу

Qazyr.kz