Қазақстанда бензин мен мұнай өнімдерін экспорттауға тыйым салынды,деп хабарлайды Qazyr.kz.
Қазақстан үкіметі жанар-жағармай тапшылығының алдын алу мақсатында бензин, дизель отыны және кейбір мұнай өнімдерін экспорттауға уақытша тыйым салды. Бұл шектеу Еуразиялық экономикалық одақ (ЕАЭО) елдеріне де қатысты.
Энергетика министрлігінің мәліметінше, бұл шешім ішкі нарықты тұрақтандыруға бағытталған. Соңғы уақытта жанар-жағармайға сұраныстың артуы мен кей өңірлердегі тапшылық мұндай шара қабылдауға түрткі болған. Бұған дейін де осындай уақытша тыйымдар енгізілген еді.
Қандай жағдайларда экспортқа рұқсат бар?
Шектеуге қарамастан, кейбір жағдайларда мұнай өнімдерін елден шығаруға рұқсат беріледі:
Гуманитарлық көмек ретінде жөнелтілетін жанар-жағармай;
Майлау материалдары;
Көлік бактарындағы отын;
Ғылыми зерттеулер мен қоспаларды сынауға арналған авиациялық отын.
Бұл тыйымның қанша уақытқа созылатыны белгісіз, алайда үкімет оның ішкі нарыққа оң әсер ететініне сенімді.
