«Қазақстанның жаңа Елтаңбасының жобасын жасауға ашық байқау жарияланады»,бұл туралы президент Қасым-Жомарт Тоқаев Ұлттық құрылтай отырысында мәлімдеді,-деп хабарлайды QAZYR.KZ тілшісі.
«Ал Елтаңбамызға қатысты сыни пікірлер айтылып қалады. Оны Кеңес заманындағы Гербке ұқсатып жатады. Тым эклектикалық, күрделі дейді. Мұндай ойды ел ісіне бей-жай қарамайтын белсенді азаматтар ғана емес, мамандар да айтып жүр. Орынды пайымдар ескерусіз қалмауы керек.
Ортақ келісімге келген жағдайда арнаулы комиссия құруға болады. Бұл комиссия мәселені жан-жақты қарастырып, қоғамдық талқылау өткізеді. Сосын Қазақстанның жаңа Елтаңбасының жобасын жасауға ашық байқау жарияланады»,-деді ол.
