Былтыр Қазақстан мен шетелдің 250-ге жуық азаматы адам саудасының құрбаны болған. Оларға қандай көмек көретілгенін Еңбек және халықты әлеуметтік қорғау министрлігі айтты деп хабарлайды Qazyr.kz.
Адам саудасының құрбаны болған 247 адамға арнаулы әлеуметтік қызметтер көрсетіліп, 32-сі жұмысқа орналастырылды.
«Әлеуметтік кодекске сәйкес, адам саудасының құрбандарына АӘҚ-тің кепілдендірілген көлемі, оның ішінде әлеуметтік-тұрмыстық, әлеуметтік-медициналық, әлеуметтік-психологиялық көмек көретіледі. Сондай-ақ әлеуметтік-педагогикалық, әлеуметтік-еңбек, әлеуметтік-мәдени, әлеуметтік-экономикалық, әлеуметтік-құқықтық қызметтер алады», — дейді ведомство.
Бұл қызметтер 6 ай бойы көрсетіледі. Қылмыстық іс аяқталмаған немесе медициналық ұйымда стационарлық емделуде болған жағдайда 9 айға дейін ұзарту мүмкіндігі бар.
Қазір мұндай жандарға арналған 13 дағдарыс орталығы жұмыс істейді.
Былтыр анықталған 247 адамның 114-і шетел азаматы.
