Шымкенттік TikTok қолданушысы полиция формасымен тікелей эфирге шығып, оны қорлады. Ішкі істер министрлігі осы жағдайды өз баспасөз қызметі арқылы жариялады,-деп хабарлайды Qazyr.kz тілшісі.
Әлеуметтік желіде полиция формасын киген қыздың эфирінің видеосы таралғаннан кейін, тәртіп сақшылары тексеру жүргізді. Видео бойынша полиция қызметкерлері оның ІІО беделіне нұқсан келтіретін әрекеттер жасадығын анықтады. Тексеру барысында, полицияға ешқандай қатысы жоқ 24 жастағы азаматтың заңсыз түрде полиция формасын киіп, эфирде өз әрекеттерін көрсеткені белгілі болды.
Құқық бұзушыға қатысты әкімшілік хаттама толтырылып, тәртіп сақшыларының нысанды киімін заңсыз пайдалануына байланысты қажетті шаралар қолданылды. Тәртіп сақшылары хабарламада нысанды киімнің тәркіленгені және ол бойынша жауапкершілік қаралғаны туралы мәлімдеді.
