Тараз қаласында екі әйелді өлтірді деген күдікпен 28 жастағы жігітті полиция ұстады,деп хабарлайды Qazyr.kz тілшісі.
7-ші қараша күні көпқабатты пәтерлердің бірінен денесінде зорлық-зомбылық белгілері бар 54 және 46 жастағы екі әйелдің мәйіті табылған болатын.
«Полиция бұрын сотталмаған 28 жастағы күдіктіні ұстап, уақытша ұстау изоляторына қамады. Сондай-ақ, жеке тұлғаны тіркеусіз тұруына жол бергені үшін жалға берілетін тұрғын үй иесі әкімшілік жауапкершілікке тартылады.Полицейлерге бұл пәтерге қатысты көршілерден ешқандай шағым түскен жоқ», — деді Жамбыл облыстық ПД баспасөз қызметі.
