Түркістан облысында жылына 48 мың тонна тауық етін өндіретін бройлер құс фабрикасын салатынын Qazyr.kz. хабарлайды. Ірі құс шаруашылығы жобасының құрылысына 52,9 млрд теңге инвестиция тартылып отыр.
Қазіргі таңда кәсіпорынның құрамында жылына 12 мың тонна дайын өнім шығаратын ет комбинаты және 2 мың бас бройлер тауығын өсіруге арналған кешен жұмыс жасап тұр.
Құс еті өндірісін кеңейту жобасы 5 жылға есептелген. 2026 жылы қуаты 16 мың тонна құс етін құрайтын бірінші кезең іске қосылса, екінші кезеңде өндірістік қуаты 32 мың тоннаға дейін ұлғайтылады, бұл көрсеткішке 2028 жылы қол жеткізу жоспарлануда. III кезеңде, яғни, 2030 жылға қарай – 48 мың тоннаға дейін ұлғайтылады.
