Сурет:Freepik.com
Түркістан облысы Арыс ауданы Монтайтас ауылында 13 қараша күні түнгі уақытта болған тұрғын үйдің терезесіне жасөспірімдердің тас лақтыруына қатысты қалалық білім бөлімі жауап берді,деп хабарлайды Qazyr.kz Azatnews.kz-ке сілтеп.
«2024 жылдың 13 қарашасы күні түнгі сағат 00:18- шамасында Арыс ауданына қарасты Монтайтас ауылы тұрғыны Қ есімді азаматша Арыс АПБ-не «102» байланыс номеріне хабарласып терезесін белгісіз біреулер сыныдырып кеткендігі туралы арызданған.
Осы оқиғаға байланысты, Арыс АПБ-нің қызметкерлері тарапынан анықтау жұмыстары жүргізіліп, Жорабек көшесінде жасөспірім балалар үйлеріне кетіп бара жатып өздеріне ит жүгіргеннен соң итті үркіту мақсатында тас лақтырғанда абайсызда терезеге тиіп кеткендігі анықталған. Бұл мәселелер бойынша үй иесі өзінің ауылының жасөспірім балаларына қояр арыз-шағымы жоқ екендігі туралы жазбаша түсініктеме берген. Түнгі уақытта болған жағдайға байланысты тұрғын үйдің әйнектері балалардың ата-аналары есебінен қалыпқа келтіріліп, жұмыстар жүргізілді.
Білім бөлімі тарапынан мектеп директорына жасөспірімдердің түнгі уақытта ата-анасыз көшеде жүрудің жауапкершілігі туралы балаларға және олардың ата-аналарына түсіндірме жұмыстарын жүргізу тапсырылды.»,-делінген Арыс қаласының білім бөлімі мәлімдемесінде.
