Ведомствоның мәлімдеуінше, қазіргі уақытта күдікті сот қаулысымен үйқамаққа алынды.
«ҚР ҚПК 201-бабына сәйкес өзге мәліметтер тергеу мүддесі аясында жария етілуге жатпайды».ҚР ҚМА баспасөз қызметі
Қаржылық монитринг агенттігі қаржы пирамидаларын құру қылмыстық жауапкершілікке әкеп соғатынын және мүлікті тәркілей отырып, 10 жылға дейін бас бостандығынан айыру түріндегі жаза қарастырылғанын ескертті.
Қазақстанда Chia Tai Tianqing қаржы пирамидасын Қытай азаматы құрған.
Агенттік өкілдері 17 аумақтық департаментте қаржылық пирамиданы құру және басқару фактісі бойынша 17 қылмыстық іс тергеліп жатқанын мәлімдеді.
«Олар 2022 жылдың шілдесінен бері жұмыс істеп келеді және фармацевтикалық зауыт құрылысына инвестиция салу, сондай-ақ тағамдық қоспалар мен басқа да дәрі-дәрмектерді дамытуға инвестиция салу желеуімен инвесторлардан қаражат тартып келеді. Chia Tai Tianqing Қазақстанда заңды тұлға ретінде тіркелмеген».ҚР ҚМА баспасөз қызметі
Ведомсто мамандарының сөзінше, болжам бойынша, қаржы пирамидасының ұйымдастырушысы – Қазақстан Республикасының аумағынан шығып кеткен Қытай азаматы.
Сондай-ақ Агенттік Алматы қаласының аумағында Қазақстанның үш азаматы компанияның заңсыз қызметін насихаттаумен айналысқанын әшкерелеген. Олардың жеке басы анықталды.