«Кәсіпкердің қорасын өртеді деп, 22 жастағы жігітті ұстады»,- деп хабарлайды QAZYR.KZ тілшісі.
Оқиға 20шы қарашада түнгі сағат 03:00-04:00 шамасында Түркістан облысы,Арыс ауданына қарасты Монтайтас ауылының темір жол станциясының шеткейінде орын алған.
Лаулап жанған оттың қызыл жалынынан шошып оянған кәсіпкер,ала жүгіре отты сөндіруге тырысқанымен,мал қорасы мен онда жиналған қыстық жем-шөбінің күлі көкке ұшты.Кәсіпер мұның қастықпен жасалғанына сенімді,«осындай да қастандық болады ма?!4000 бума шөп,5-6 рейс артылған сабан,пәлен тонна бидай мен арпамның түгі қалмады», — деді автор.
Оқиғаға байланысты полицейлер күдікті деп 22 жастағы жігітті ұстады.Әзірге жігіттің не себепті қораны өртегені белгісіз.
