Академик Асқар Жұмаділдаев:
«ҚАЗАҚ ТЕХНОЛОГИЯНЫ ТҮСІНДЕ ДЕ КӨРУІ КЕРЕК»
«Швецияда Нобель, басқа да сыйлықтарды алған мықты адамдар көп шыққан. Өйткені олардың қанында сондай қасиет бар. «Кімде-кім ғылымға көмектеседі, міне, сауаптың көкесі осы» дейді. Қазақстанда осындай «сауаптың көкесі ғылым» дейтін адам бар ма? Бизнесмен бар ма?
Мысалы, Қазақстанда ғылыми кітап шығарсақ, оны солардай қолдайтын адам бар ма? Мен, әрине, ақша тауып, 5000 кітап шығара аламын, бірақ қазаққа жүздеген, мыңдаған кітап шығару керек. Өйткені, бүгін оқымаса, ертең оқиды, ертең оқымаса, арғы күні оқиды. Егер қазақтың тілі ғылымның тілі болмаса, технология тілі болмаса, ол тек қана от басы, ошақ қасы түрінде қалады. Ол ертегінің, аңыздың, поэманың тілі болып қалады.
«Ертегімен алға қарай шығып кетеміз. Жұрттан озып кетеміз» деген – бос сөз. Қазақ технология жолына түсу керек. Қазақтар технологияны түсінде көруі керек. Содан кейін қазақша түсінбесе, онда түк те шықпайды».