«Ақтөбедегі Ырғыз гимназиясының директоры Гүлжайнар Нұрманова журналист Асқар Ақтілеуовтің үстінен «жалған ақпарат таратты,жала жапты»,-деп сотқа арызданды.»,- деп хабарлайды QAZYR.KZ .
Облыс әкімінің алдында, мектепте судың жоқтығын айтып,тазалық құралдарын өз ақшасына сатып алып жатқанына көңілі толмаған мектептің еден жуушының көтерген мәселесінен кейін,мектеп директоры:«үш сағаттан астам жұмыста болмадың» деген сылтаумен еден жуушыны жұмыстан қуғаны туралы жариялаған жазбасы себеп болып отыр.
Осы жазбадан кейін әлеуметтік желіде қоғамдық резонанс туындап, еден жуушы жұмысына қайта қабылданған.
Алайда мектеп директоры журналисттің жазбасында оның атына жала бар деп есептеп, журналисті жауапкершілікке тарту туралы арызбен полицияға жүгінген.