Алматыда ҰБТ тапсыруға келген оқушы тест тапсырар алдын,субұрқақтың жанында көз жұмды.Бұл туралы Qazyr.kz тілшісі хабар таратады.
Ғылым және жоғары білім министрі Саясат Нұрбектің айтуынша, 19 маусымда №185 мектептің түлегі студенттік қалашықта орналасқан «U-Future» компаниясының ғимаратына ҰБТ тапсыруға келген.
«Кешкі сағат 16:00-де ауа-райы өте ыстық болды. Ол тыйым салынған белгіге қарамастан субұрқаққа түскен. Өлім себебін бүгін медициналық сараптама тағайындайды. Алдын ала болжам бойынша екі себеп бар. Жүрегі тоқтап қалуы мүмкін немесе тоқ соққан болуы да мүмкін», — деді министр.
Министр тергеумен Алматы қаласының Бостандық ауданының полиция басқармасы айналысатынын айтты.
