Ұстаз алдында тілің тый,
Ұста алдында қолың тый.
***
Шәкіртсіз ұстаз – тұл.
***
Шәкірті зейінді келеді.
Ұстазы бейілді болса.
***
Ұстазы жақсының, ұстамы жақсы.
***
Ұстазыңды ұлы әкеңдей сыйла.
***
Ұстазыңды атаңнан да әзіз тұт.
***
Атпаз көрген — ат таныр,
Ұстаз көрген — хат таныр.
***
Баланың бас ұстазы — ата-ана.
***
Ұққаның жақсы болса —
Жақының көбейеді.
Ұстазың жақсы болса —
Ақылың көбейеді.
***
Ұстаз талантты болса,
Шәкірті талапты болады.
***
Халық — нағыз ұстаз.
***
Ұстаздан шәкірт озар.
