Қиялдағыны қыран ғана көреді.
Ұядағыны жылан ғана көреді.
***
Құс бағу да бір қызық,
Құс салу да бір қызық.
***
Екі сұңқар таласса,
Бір қарғаға жем түсер.
***
Қолмен бергенге құс тоймас.
***
Қаршыға қаз алса,
Ителгі етек қабады.
***
Қыран қияда өледі.
***
Ит иесі үшін алады.
Бүркіт жемі үшін алады.
***
Топтанып ұшқан торғайға
Тұрымтай да бата алмас.
***
Ажалдан қарға бүркітпен ойнайды.
***
Ат бегі – аттың тұяғына қарар.
Құс бегі – құстың қияғына қарар.
***
Құстың бәрі сұңқар болмас,
Аттың бәрі тұлпар болмас.
***
Сұңқар орманға тартар,
Тұлпар қорғанға тартар.
***
Қаршыға салғанның қанжығасы тоқ,
Ителгі салғанның етегі боқ.
***
Қиядағы қызыл түлкіні
Қияннан соққан бүркіт алады.
***
Құсбегісі келіссе,
Күйкентай құс қаз алар.
***
Саятшының сұңқары
Салған жерден іледі.
***
Ителгі салған ет жейді,
Атының етін ит жейді.
***
Қаршыға қанжыға қызартады,
Ителгі етек былғайды.
***
Қаршыға салғанның қанжығасы тоқ,
Ителгі салғанның етегі боқ.
***
Тауындағы түлкіні
Бабындағы бүркіт ғана алады.
***
Қыран жүйрік пе,
Қиял жүйрік пе?
