Сурет: pixabay.com
Біреулерге жақпайды күлгенің де,
Ұнамайды жер басып жүргенің де.
Күңкілдейді, күндейді қызғаныштан,
Бағы асып кетті дейді күннен-күнге.
О, тоба, ішінен ши айналмайтын,
Ешкімге жақсы сөзін қия алмайтын.
Күншілдің күні құрсын күлін шашқан,
Өзінен озса біреу көре алмайтын.
Қайтейін, сөзі бықсық қарауларды,
Сумаңдап жаны кіре жамандайды.
Қызыл итін айтақтап қызғаныштың,
Жүрегін таза адамның жаралайды.
Білмедім, күндеп жүріп не табады,
Біреуде барды неге қызғанады ?
Бәрімізге жетпей ме Жаратқанның,
О бастан үлестіріп берген бағы …
Фатима ЗАБУРАҚЫЗЫ
