Кеудең кейде құса-мұңға толады,
Толады да қызыл гүлің солады.
Үйің сенің болса болар бірнешеу,
Молаң бірақ біреу ғана болады.
Мәңгі-бақи ата бермес таң күліп,
Мәнін ойла бұл өмірдің, мәңгілік!
Үйің сенің он болса да – уақытша,
Молаң сенің біреу болғанменен – мәңгілік!
Мансаппенен шатыстырма мұратты,
Басқашалау қояр тарих сұрақты.
Тірідегі орынынан кей жанның
Өлгеннен соң алған орны тұрақты!
