Қарағанды орталық саябағында «Тікұшақ» балалар аттракционының бірінде әйел мен бала отырған кабина құлады, деп хабарлайды Qazyr.kz порталы.
Қарағанды саябақтары басқармасының хабарлауынша, оқиға кеше, 15 қыркүйекте болған. Әйел мен баланың өміріне қауіп жоқ. Оларды жедел жәрдем алып кетіп, дәрігерлер тексеріп, үйіне жіберген.
Белгілі болғандай, ол аттракцион жеке адамға тиесілі болған. Сонымен қатар биыл, мамыр айында техникалық сараптамадан өткені туралы деректер пайда болды.
Қазіргі уақытта төтенше жағдайға қатысты құқық қорғау органдары тергеу жұмыстарын жүргізуде.
