Құжат бойынша абақтыға тоғытылған азамат жұмысқа тұра алмай жүр. Тараздық тұрғын жұмыс берушінің емес, түрме есігін қағып жүр.Бұл туралы Qazyr.kz Информбюро-ға сілтеп хабарлайды.
Информбюроның хабарлауынша, мұндай жағдайға түзеу мекемесінің басшылығы мен прокурорлар да аң-таң. Белгілі болғандай Қызылордада жасаған қылмысы үшін Ержан Болатовтың туған ағасы істі болған екен. Бірақ тергеу барысында да, сот отырысында да жеке басы анықталмай, інісінің құжатымен шешім шығарып жіберген.
Журналистер осы мәселені көтеріп түрме бастығына барған. Сұрақты түсінгенмен, сотталған адамның сырттан келіп тұрғанына түрме басшылығы да таңғалған.
