Қызылордада антикор қызметкеріне 1 миллион көлемінде пара ұсынған «Ыбырай молда» мешітінің имамы Талғат Нұрман жұмысынан қуылды,деп хабарлайды Qazyr.kz тілшісі .
ҚМДБ-ның хабарлауынша,»Ыбырай молда» мешітінің имамы Талғат Нұрманды сыбайлас жемқорлық қылмысы үшін кінәлі деп танып,қылмыстық жауапкершіліктен босатқан.»-делінген.
Айта кетейік,Талғат Нұрман Қызылорда қаласында 1978 жылы дүниеге келген. Мектеп қабырғасында жүріп діни сауат ашып, 1994-1995 жылдары Ташкент қаласында діни білімін жалғастырып, құран қари бөлімінде оқыған.Сондай-ақ,ол 1996-1998 жылдары Шымкент медресесін бітіріп,ең алғаш рет Облыстық орталық «Айтбай» мешітінде ұстаздық етуден бастады. 2004 жылы ҚМДБ-ың жанындағы Қазақстан Республикасы Имамдарының Білімін Жетілдіру Ислам Институтында оқып, имам-хатиб біліктілігін алды. Сол секілді діни білімін жетілдіру мақсатында АҚШ-та, Түркияда, Мысырда оқу курстарын тәмәмдады.Діни біліммен қоса еліміздің орта және жоғары оқу орындарында оқып,арнайы мамандықтар алған.
