Қазақстанда мысықтың бейнесі бейнеленген мың теңгелік монета айналымға шығады.Бұл туралы Qazyr.kz хабарлайды.
Мың теңгелік монетада терезенің жақтауында жатқан мысықтың суреті бар.Сонымен қоса шаңырақтың, ою мен тағаның суретін де байқауға болады. Бұл монеталар 925/1000 сынамалы күмістен жасалған, массасы – 31,1 грамм, диаметрі – 38,61 мм, номиналы – 1000 теңге. Тиынның таралымы – 2000 дана.
Коллекциялық монеталар Қазақстан Республикасының бүкіл аумағында номиналды құны бойынша төлемнің барлық түрі үшін, сондай-ақ банк шоттарына есепке алу үшін және еліміздің барлық банктерінде аудару, майдалау және айырбастау үшін қабылдануға міндетті, – деп хабарлады Ұлттық банк.