Буллинг сөзі – «бұзақылық», «зорлық – зомбылық көрсетуші», «қорқыту» деген мағынаны білдіреді. Басқаша айтқанда, буллинг – адамды қорлау. Қазіргі таңда буллинг терең белең алуда. Буллинг қоғамның әр түрлі топтарында немесе тек мектептерде ғана емес, сонымен қатар жұмыс орындарында, сәтсіз отбасыларда, интернет желісінде де көрініс табуда. Буллингтің физикалық, психологиялық, экономикалық, жыныстық зорлық-зомбылық тәрізді түрлері болады. Қорлаудың осы түрлерінің бәрін біріктіретін бір қасиет бар, ол агрессиялық іс — әрекеттің әлсіз, қорғансыз адамдарды қорлауы.
Қорлау кезінде жәбірленушіден мынандай белгілерді аңғаруға болады:
— кейімдердің жыртылуы;
— зақымдануы;
— денедегі жарақаттар, дененің көгеруі;
— қымбат заттарының жоғалуы;
— тәбеттің төмендеуі;
— қорқынышты түстер көру;
— үнемі өзін мазасыз сезіну;
— адамдармен қарым-қатынасқа түсуден бас тарту, т. б.
Осындай күйге түскен яғни, буллинг құрбаны болған жанға қолдау көрсетіп, демеу болып, оған жалғыз емес екендігін жеткізу қажет. Оның әрбір айтқан сөздерін мұқият тындап, сізге сенуге деген дайындығын бақылау керек. Жәбірленуші өзін мықты тұлға ретінде көрсетсе ғана буллингті тоқтата алуы мүмкін. Алайда, өкінішке орай, көп жағдайда жәбірленуші мұндай әрекеттерге дайын болмай жатады, сондықтан көмекке мұқтаж болып келеді.
Дереккөз: Түркістан Дін істер басқармасы
