Өз балаларына 350 млн теңге қарыз астаналықтар құмар ойынын ойнап жүрген, деп хабарлайды Qazyr.kz порталы.
Осыған байланысты елорда прокуратурасы алимент төлеуден жалтарған борышкерлердің құмар ойындарға қатысуына тыйым салды.
Арнайы зерттеу нәтижесінде 150 борышкердің өз балаларына 350 млн теңге қарыз бола отырып, құмар ойындарға қатысқаны анықталды. Алимент қарызы биыл 2,5 млн теңгені құраған борышкерлердің бірі букмекерлік кеңсе арқылы 80 млн теңге жеке айналыммен құмар ойындарға қатысқан.
«Ойын бизнесі туралы» жаңа заңға сәйкес, елорда прокуратурасы ойын бизнесінің ұйымдастырушыларына борышкерлерді құмар ойындарға қатыстырмауға шақырды. Заңнамалық талаптарды сақтамаған жағдайда айыппұл салу, ал қайталанған бұзушылықтар үшін — лицензияның күшін тоқтату түрінде жаза қарастырылған.
