Атырау қаласында алдын-ала мәлімет бойынша 25 жастағы жігіт өзінің 63 және 58 жастағы ата-анасын өлтірген.Алдымен ұйқыдағы әкесін бауыздап, сосын анасын ауыр темір затпен ұрып, пышақтап тастаған.Кейін өзі асылып қалған екен.Бұл туралы Qazyr.kz хабарлайды.
«Атырау облысы Полиция департаментінде адам өлтіру дерегіне қатысты қылмыстық іс қозғалды. Қазіргі таңда мәселенің мән-жайын анықтау мақсатында кешенді тергеу амалдары жүргізілуде. Өзге ақпарат тергеу мүддесіне сай жариялауға жатпайды», – деді Атырау облыстық Полиция департаменті баспасөз қызметінің хатшысы Мейірім Ердәулет.
