Ақтөбеде 14 жастағы қызды туыстары бірнеше жыл бойы зорлап келген. Бұл жағдай бойынша қылмыстық іс қозғалды, деп хабарлайды Qazyr.kz порталы.
Ақтөбелік 14 жасар қыздың анасы «NeMolchiKZ» қорының қауымдастығына үндеу тастады. Айтуынша, қызы соңғы уақытта тұйықталып, депрессияға түскен. Анасы барлық жағдайды 23 қыркүйекте білген. Жасөспірім жеңгесіне сырын ақтарған. Яғни, ағалары 8 жасынан бастап зорлап келгені туралы айтқан. Қаладағы емханалардың бірінде медбике болып жұмыс істейтін анасы қазіргі кезде жұмысқа бара алмай, балаларын қарап отыр. Себебі сот күдіктілерді үйқамаққа жіберген.
