Алматы облысында тауға шығып, із-түзсіз кеткен 1982 жылы туған ер адам үш күннен кейін аман-есен табылды. Оны туыстары байланысқа шыға алмаған соң, құтқарушылардан көмек сұраған.
Оқиға орнына шұғыл-құтқару жасағы жіберіліп, іздеу жұмыстарына кинологиялық топтар (іздестіру иттерімен жұмыс істейтін мамандар), дрондар және арнайы құрал-жабдықтар жұмылдырылды. Құтқарушылар алғашқы екі күнде туристік маршруттарға жақын орналасқан 21 нысанды мұқият тексерді. Олар ең танымал тау шыңдарын, шатқалдар мен асуларды қарап шықты.
Турист үшінші күні ғана табылды. Құтқару жұмыстары барысында тікұшақтың көмегімен 2970 метр биіктіктегі «Сол Талғар» шатқалында орналасқан шағын күркеден табылды. Ер адамның денсаулығына зиян келмеген, ол медициналық көмекке мұқтаж болған жоқ.
Құтқарушылардың жылдам әрі кәсіби әрекеті нәтижесінде турист аман-есен құтқарылды. Бұл жағдай тағы да тауға шығу кезінде қауіпсіздік ережелерін сақтау мен қажетті жабдықтарды қолданудың маңыздылығын еске салды.
