Түркістан облысы Арыс ауданына қарасты Қабылсай ауылында жүк көлігі бағанаға соқтығысып, аударылып кетті,деп хабарлайды Qazyr.kz тілшісі.
19 қаңтар күні таңертең Қабылсай ауылында ауыр жүк көлігінің қатысуымен жол-көлік оқиғасы орын алды. Көлік жол шетінде орналасқан жарық бағанасына соғылып, аударылып кеткен.Оның бортында шамамен 5-6 тонна қатты отын болған.
Апаттың алдын ала болжамы,жүк көлігінің жүргізушісі рөлді басқара алмай жарық бағанасына соғылғаннан кейін көлік аударылып, ішіндегі жүк жолға төгілген.
Оқиғаны көрген жергілікті тұрғындар жедел түрде көмекке келіп, төгілген отынды жинауға және көлікті қайта көтеруге кірісті. Қазіргі уақытта олар апат салдарын жою үшін бірлесіп әрекет етуде.
