Шымкентте қар, Жамбыл облысында жолдар жабылды,деп хабарлайды Qazyr.kz.
Шымкенттегі жағдай
Шымкентте толассыз жауған жаңбырдың арты қарға ұласты. Қалада коммуналдық қызметтер түстен бастап жолдар мен қоғамдық орындарды қардан тазалау жұмыстарына кірісті. Әзірге мектептер қалыпты режимде жұмыс істеп жатыр.
Жамбыл облысындағы жағдай
Көршілес Жамбыл облысында қатты боран салдарынан бірнеше бағыттағы жолдар жабылды. «Алматы-Екатеринбург» тас жолының Тараздан Қарағандыға дейінгі учаскесінде көлік қозғалысы тоқтатылды. Қар құрсауында қалған 14 адам құтқарылды.
Қазіргі уақытта блок-бекеттердің маңында 400-ге жуық көлік кептеліп тұр. Құтқарушылар мен коммуналдық қызметтер жағдайды тұрақтандыру үшін жұмыс жасауда.
Төтенше жағдай қызметі ескертеді
Мамандар алыс жолға шықпауға кеңес береді. Жолда қалған жағдайда, 112 қызметіне хабарласу керек. Алдағы күндері ауа райы күрделі болып қалуы мүмкін.
