Трамп: Украина мәселесі шешілмесе, Ресейге толыққанды санкциялар енгіземіз
АҚШ-тың бұрынғы президенті Дональд Трамп Украинадағы соғысты тоқтатудың маңыздылығын атап өтіп, Ресейге қатаң ескерту жасады. Truth Social әлеуметтік желісінде жарияланған мәлімдемесінде ол Ресей президенті Владимир Путинге үндеу жолдап, келісімге келмеген жағдайда ауыр экономикалық санкциялар енгізілетінін айтты.
«Егер біз Украина мәселесі бойынша жақын арада келісімге келмесек, Ресейдің Америкаға экспорттайтын бүкіл тауарына жоғары салықтар, тарифтер және санкциялар енгіземіз. Бұл шектеулер Ресейдің басқа елдерге сататын өнімдеріне де әсер ететін болады», – деп жазды Трамп.
Оның айтуынша, соғысты тоқтату – Ресей үшін де, бүкіл әлем үшін де дұрыс шешім. Трамп Ресей экономикасының қазіргі жағдайын атап өтіп, қақтығыс жалғаса берсе, экономикалық күйреу мен адам шығынының арта түсетінін ескертті.
«Соғысты тоқтату арқылы мен Путинге үлкен жақсылық жасап отырмын. Өйткені Ресей экономикасы күйреудің алдында тұр. Егер қақтығыс жалғаса берсе, жағдай одан әрі нашарлап, адам шығыны да көбейеді», – деді Трамп.
