Астанадағы жеңіл рельсті транспорт (LRT) құрылысы биыл жазда аяқталады. Бұл туралы қала әкімі Жеңіс Қасымбек Мемлекет басшысы Қасым-Жомарт Тоқаевтың төрағалығымен өткен Үкіметтің кеңейтілген отырысында мәлімдеді.
Әкімнің айтуынша, алғашқы пойыздар күзде іске қосылып, сынақ жұмыстары басталады. Құрылыс мерзімі ұзаққа созылған жоба қаладағы көлік жүйесін жеңілдетуге бағытталған.
Жиын барысында Президент елордадағы көлік кептелісі мәселесін шешу үшін шұғыл шаралар қабылдауды тапсырды. Сарапшылардың болжауынша, алдағы 10 жылда Астанадағы халық саны 2,5 миллионға дейін өсуі мүмкін. Бұл жағдай қаланың инфрақұрылымына қосымша жүктеме түсіруі ықтимал.
Астанадағы LRT жобасы тұрғындардың жүріп-тұруын жеңілдетіп, қаладағы көлік кептелісін азайтуға айтарлықтай үлес қосады деп күтілуде.
