Қазақстанда НДС мөлшерлемесі 12%-дан 20%-ға дейін көтерілуі мүмкін,деп хабарлайды Qazyr.kz.
Қазақстанда қосылған құн салығының (НДС) мөлшерлемесін қазіргі 12%-дан 20%-ға дейін арттыру мәселесі талқылануда. Бұл туралы Үкімет отырысында вице-премьер Қанат Бозымбаев мәлімдеді. Оның айтуынша, бұл сұрақ қазір Үкімет пен Парламент деңгейінде қарастырылып жатыр.
Ұлттық экономика вице-министрі Арман Қасенов бұл мәселенің жан-жақты талқыланып жатқанын растады. Оның сөзінше, кез келген өзгерістің кемшіліктерімен қатар артықшылықтары да бар. Егер НДС мөлшерлемесі көтерілетін болса, онда Ұлттық қордан бөлінетін қаражат көлемі азайып, бюджетке түсетін түсімдер артады. Бұл экономикалық өсімді қаржыландыруға мүмкіндік береді.
«Қазіргі уақытта тек талқылау жүріп жатыр, нақты шешім әлі қабылданған жоқ», – деді Қасенов.
Бизнес өкілдері мен экономистер НДС-тің 20%-ға дейін көтерілуі тауарлар мен қызметтердің қымбаттауына әкелуі мүмкін екенін айтып, алаңдаушылық білдіруде. Олар бұл өзгеріс әсіресе шағын және орта бизнеске ауыр тиетінін атап өтті.
Сонымен қатар, Үкімет НДС төлеушілер үшін міндетті тіркеу шегін 79 миллион теңгеден 15 миллион теңгеге дейін төмендетуді де қарастырып жатыр. Бұл да кәсіпкерлерге қосымша салықтық жүктеме әкелуі мүмкін.
Қазіргі уақытта бұл мәселе әлі де талқылану үстінде. Билік өкілдері барлық тараптың пікірін ескере отырып, түпкілікті шешім қабылдайтынын мәлімдеді.
