Ішкі істер министрлігі туристердің қауіпсіздігін қамтамасыз етуді қолға алды. Енді әрбір шетелдік шекара бақылауынан өткен кезде электрондық көп тілді SafeTravel.kz порталына нұсқайтын QR-коды бар арнайы карточкаға ие болады деп хабарлайды Qazyr.kz.
Порталда туристердің Қазақстанда қауіпсіз жүріп-тұруына қажетті ақпарат пен ұсынымдар, сондай-ақ пайдалы мобильді қосымшаларды жүктеуге сілтемелер көрсетілген.
QR-коды бар алғашқы карточкалар елорданың халықаралық әуежайында шетелдік қонақтарға беріле бастады.
SafeTravel.kz-те мына ақпараттар бар:
Полициямен жедел байланыс орнатуға арналған «102» мобильді қосымшасы, оның ішінде «SOS» функциясы;
Көші-қон заңнамасын сақтау жөніндегі жадынама;
Танымал қосымшаларға сілтеме мен турист қонаққа келген қаланың картасы;
Ресми такси мен онлайн-қызметтер тізімі;
Байланыс операторлары мен олардың ресми сайттарына сілтеме;
Түрлі оқиғалар бойынша әрекет ету алгоритмдері;
Жедел жәрдем, өрт сөндіру мен құтқару сияқты басқа да шұғыл қызметтердің байланыс нөмірлері ұсынылады;
