2025 жылғы 29 шілдеде Іле Алатауындағы Пик Молодёжный шыңынан 20 жастағы қазақстандық Аланның мәйіті табылды. Бұл туралы Алматы қалалық Төтенше жағдайлар департаменті хабарлады, деп жазады Qazyr.kz.
Іздестіру-құтқару операциясы 27 шілде күні басталған. Алан таңертеңгі уақытта тауға шығып, байланысқа шықпай қойған. Жақындары әлеуметтік желілерде көмектесу туралы үндеу жариялаған.
Құтқарушылардың мәліметінше, Пик Молодёжный – теңіз деңгейінен 4 мың метр биіктікте орналасқан Іле Алатауы жотасындағы күрделі таулы аймақ. Құтқару операциясы 5 сағатқа созылған.
Іздеу жұмыстарына келесідей күштер тартылды:
Төтенше жағдайлар министрлігінің тікұшағы;
50-ден астам құтқарушы мен ерікті;
8 дрон (беспилотник);
8 бірлік арнайы техника;
3 кинологиялық топ.
Осыған дейін, шілде айының басында да Алматы маңындағы тауларда 18 жастағы жасөспірім жоғалып, кейін оның да денесі табылған болатын. Бұл қайғылы оқиғалар таулы аймақтарда қауіпсіздік шараларын қатаң сақтау қажеттігін тағы да еске салады.
